Mien Süster
  
   
       
 
 
  
Hüüt vör 60 Johrn wer`n groote Opregung bi uns to Hus.
Mudder lech krank in Bed,
se wer unpässlich, seh se.
Aver dann keem de groot Överraschung
wi, mien Broder un ick
kreegen `ne lütt Süster.
 
Gesche schull se heeten, de Lütt.
Mudder segg, de Överaschung wer gornich so dull,
denn för neeg`n Monden weer Vadder op Urlaub komm vun de Ostfront, datt weer de erste Överraschung.
 
Un he weer noch vull in Saft un Kraft
un datt weer de tweete.
As Mudder de Lütt denn tom erstenmol pudert un sauber mokt, hebbt Jan un ik uns bannig verfehrt.
Se weer nich komplett, dor hett watt fehlt.
Aver Mudder hett uns denn beruhigt,
un hett seggt, wi könnt se nich umtuschen.

Wi dree, Mudder, Jan un ick hebbt denn oppast datt`n ordnlichen Minschen ut ehr ward.
 Ick glöv bald wi hebbt Glück hatt. Se hett sogor datt Gymnasium schafft un is na de Utbillung gau Sekretärin worn, ers in de Industrie un denn in de Finanzwelt . Dor könnt ji mol sehn, warüm datt keene Inflation givt.
 
Se harr oak sonst veel Glück in eer Leven, denn se hett`nen schicken Kirl,
mit emm versteiht se sick fast immer goot. Privat is datt mennigmol `n beten leeg mit ehr,  se besteiht op ehrn Kopp. Ick segg immer, wer op sien Kopp besteiht kummt no mol op`n Kopp to stohn.
 
Aver sonst is se mit all ehr Ecken un Kanten doch mien leeve Süster .

( Copyright Willi Fack )
   
nach oben